ଥରେ ଜଣେ କିରାଣୀ ହିସାବପତ୍ର କାମରେ ଗୁରୁତର ତ୍ରୁଟିକଲେ,ଫଳରେ ଚାକିରିରୁ ତଡା ଖାଇବା ସୁନିଶ୍ଚିତ ଥିଲା । ଏକଥା ଜାଣିବା ପରେ ସେ ଭୟଭୀତ ହୋଇପଡିଲେ ଏବଂ ଆତ୍ମହତ୍ୟା କରିବାକୁ ସ୍ଥିର କଲେ । ତାଙ୍କର ମନ ସବୁବେଳେ ବିଚଳିତ ଏବଂ ଅସ୍ଥିର ରହୁଥିଲା । ଦିନେ ସେ ଜୀବନକୁ ଶେଷ କରିଦେବେ ଭାବି ଘରୁ ବାହାରିଗଲେ । ଛିଣ୍ଡାଲୁଗା ପିନ୍ଧିଲେ ଏବଂ ସନ୍ତାନକୁ ଚୁମ୍ବନ ଦେଇ ବାହାରିଗଲେ । ପତ୍ନୀ ସ୍ବାମୀଙ୍କର ମାନସିକ ଅବସ୍ଥା ଜାଣିଥିଲେ । ତେଣୁ ସେ ତାଙ୍କୁ କିଛି କହିଲେନାହିଁ । ଯିବା ବେଳେ ସ୍ବାମୀଙ୍କୁ ଡାକି କିଛି ଉଦି ତାଙ୍କ କପାଳରେ ଲଗାଇଦେଲେ ଏବଂ ଯିବା ପରେ ନିଜେ ବାବାଙ୍କ ଫଟୋ ସମ୍ମୁଖରେ ଧ୍ୟାନାବସ୍ଥାରେ ବସିପଡିଲେ । ବାବାଙ୍କୁ ବ୍ୟାକୁଳ ହୋଇ ଡାକିଲେ ପତିଙ୍କର ଜୀବନରକ୍ଷା କରିବା ପାଇଁ । ସକାଳେ ସ୍ବାମୀ ଘରୁ ପଳାଇଥିଲେ ଓ ସଂନ୍ଧ୍ୟା ଯାଏଁ ଫେରିଲେନାହିଁ । ଗୋଟିଏ ପଙ୍କ ଭର୍ତି ପୋଖରୀ ଭିତରକୁ ସେ ଡେଇଁପଡିଥିଲେ । ଜଣେ କେଉଟ ତାଙ୍କୁ ସେଠାରୁ ଉଦ୍ଧାର କଲେ ଏବଂ ଘରକୁ ନଫେରିଲେ ପୁଲିସରେ ଦେଇଦେବେ ବୋଲି ଧମକ ଦେଲେ । କିଛି ପଇସା ତାଙ୍କ ହାତରେ ଦେଲେ ଏବଂ ରାତି ୧୧ଟାରେ ଘରେ ଆଣି ଛାଡିଲେ । ତା’ ପର ମୁହୂର୍ତରେ କେଉଟ ଜଣକ ଅଦୃଶ୍ୟ ହୋଇଗଲେ ।
No comments:
Post a Comment